ឯកឧត្តម ហ៊ុន ម៉ានី ចុះសិក្សាស្វែងយល់ពីវឌ្ឍនភាពការងារ និងបញ្ហាប្រឈមរបស់មន្ទីរជំនាញពាក់ព័ន្ធ នៅខេត្តបន្ទាយមានជ័យ__ គណៈប្រតិភូAPPF កោតសរសើរប្រាង្គ​ប្រាសាទក្នុងតំបន់អង្គររបស់កម្ពុជាថា ពិតជាល្អគ្មានពីរលើលោក__ អនុប្រធានសភាឌូម៉ា សហព័ន្ធរុស្ស៊ីសរសើរខ្លឹមសារកិច្ចប្រជុំសមាជិកសភាស្រ្តី APPF នៅកម្ពុជា__ ឯកឧត្ដមបណ្ឌិត ងួន ញ៉ិល បន្តដឹកនាំកិច្ចប្រជុំពេញអង្គវគ្គទី២ នៃកិច្ចប្រជុំAPPF លើកទី២៧ ដោយបន្តការពិភាក្សាលើវិស័យសេដ្ឋកិច្ច និងពាណិជ្ជកម្ម__ សម្តេចអគ្គមហាពញាចក្រី ហេង សំរិន ទទួលជួបពិភាក្សាការងារជាមួយប្រធានរដ្ឋសភាវៀតណាម__ សម្តេចប្រធានរដ្ឋសភាទទួលជួបពិភាក្សាការងារជាមួយអនុប្រធានសភាតំណាងប្រជាជនចិន__ លោកជំទាវ ឃួន សុដារី៖ វត្តមានរបស់គណៈប្រតិភូព្រឹទ្ធសភាសហរដ្ឋម៉ិកស៊ិចនៅពេលនេះ ជាស្ពានផ្សារភ្ជាប់រវាងអាមេរិចឡាទីន និងអាស៊ី-ប៉ាស៊ីហ្វិក__ កិច្ចប្រជុំពេញអង្គលើកទី១នៃកិច្ចប្រជុំAPPF លើកទី២៧ ផ្ដោតការពិភាក្សាគ្នាលើវិស័យនយោបាយ និងសន្តិសុខ__ វេទិកាសភាអាស៊ី-ប៉ាស៊ីហ្វិក លើកទី២៧ បានប្រារព្ធពិធីបើកកិច្ចប្រជុំជាផ្លូវការនៅលើទឹកអង្គរ ខេត្តសៀមរាប__ សម្តេចអគ្គមហាពញាចក្រី ហេង សំរិន៖ កាតព្វកិច្ច APPF បង្កើតចក្ខុវិស័យច្បាស់លាស់មួយ ក្នុងការកសាងសន្តិភាព និងវិបុលភាព សម្រាប់មនុស្សជំនាន់ក្រោយ__ សម្ដេច ហេង សំរិន៖ គោលបំណងរួមរបស់APPF គឺការកសាងតំបន់អាស៊ី-ប៉ាស៊ីហ្វិកឱ្យទៅជាតំបន់មួយដែលមានសុខសន្តិភាព ស្ថិរភាព វឌ្ឍនភាព និងភាពសុខដុមរមនា__ សម្តេចអគ្គមហាពញាចក្រី ហេង សំរិន ផ្តល់អនុសាសន៍មួយចំនួន ដល់សមាជិកសភាស្រ្តី APPF ដើម្បីលើកកម្ពស់សមភាពយ៉េនឌ័រ__ លោកជំទាវ ឃួន សុដារី ទទួលជួបសវនាការជាមួយគណៈប្រតិភូសភាជាន់ខ្ពស់សភាឌូម៉ា នៃសហព័ន្ធរុស្ស៊ី__ ឯកឧត្ដម ឡេង ប៉េងឡុង ផ្ដល់ព័ត៌មានបន្ថែមដល់ក្រុមជំនួយការគណៈប្រតិភូសមាជិក(APPF) ទាំងអស់ អំពីដំណើរការកម្មវិធីនៃកិច្ចប្រជុំ(APPF)លើកទី២៧__ រដ្ឋសភាកម្ពុជាឡាវចុះអនុស្សរណៈយោគយល់ពង្រឹងកិច្ចសហប្រតិបត្តិការ__ សម្តេចអគ្គមហាពញាចក្រី ហេង សំរិន ដឹកនាំកិច្ចប្រជុំគណៈកម្មាធិការប្រតិបត្តិវេទិកាសភាអាស៊ី-ប៉ាស៊ីហ្វិកលើកទី២៧__ គណៈប្រតិភូបរទេសបានអញ្ជើញមកដល់កម្ពុជាបណ្តើរៗហើយ ដើម្បីចូលរួមកិច្ចប្រជុំវេទិកាសភាអាស៊ី-ប៉ាស៊ីហ្វិក លើកទី២៧ (APPF-27)__ អគ្គលេខាធិការដ្ឋានរដ្ឋសភាបួងសួងសូមម្ចាស់ទឹកដីអង្គរឲ្យដំណើរការកិច្ចប្រជុំលើកទី២៧ APPF ប្រព្រឹត្តទៅដោយរលូន និងជោគជ័យ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » ឯកឧត្តមបណ្ឌិត ងួន ញ៉ិល ជំរុញការត្រៀមរៀបចំកិច្ចប្រជុំ APPF លើកទី២៧ ឲ្យទទួលខុសត្រូវខ្ពស់ ដើម្បីមុខមាត់ប្រទេសជាតិ
ឯកឧត្តមបណ្ឌិត ងួន ញ៉ិល ជំរុញការត្រៀមរៀបចំកិច្ចប្រជុំ APPF លើកទី២៧ ឲ្យទទួលខុសត្រូវខ្ពស់ ដើម្បីមុខមាត់ប្រទេសជាតិ
រៀបរៀងដោយ ៖​ NA1472 ​ នៅថ្ងៃទី (10/10/2018 10:53:11 PM )

ឯកឧត្តមបណ្ឌិត ងួន ញ៉ិល អនុប្រធានទី១រដ្ឋសភា និងជាប្រធានគណៈកម្មការរៀបចំកិច្ចប្រជុំប្រចាំឆ្នាំ លើកទី២៧ នៃវេទិកាសភាអាស៊ី-ប៉ាស៊ីហ្វិក ដែលហៅកាត់ថា APPF បានលើកឡើងថា​ ការទទួលរៀបចំកិច្ចប្រជុំប្រចាំឆ្នាំលើកទី២៧ នៃវេទិកាសភាអាស៊ី-ប៉ាស៊ីហ្វិក របស់សភាកម្ពុជានាពេល ខាងមុខនេះ​ គឺជាមុខមាត់ និងកិត្តិយសប្រទេសជាតិ និងថ្នាក់ដឹកនាំ ដូច្នេះឯកឧត្តមបានស្នើដល់គ្រប់ភាគីពាក់ព័ន្ធទាំងអស់ ត្រូវប្រុងប្រៀបរៀបចំដោយ យកចិត្តទុកដាក់ខ្ពស់ជាទីបំផុត​។

ឯកឧត្តមបណ្ឌិតអនុប្រធានទី១រដ្ឋសភា បានលើកឡើងដូច្នេះ ក្នុងឱកាសដឹកនាំកិច្ចប្រជុំត្រួតពិនិត្យលទ្ធផលការងារ និងដាក់ទិសដៅបន្ត ក្នុងការត្រៀម រៀបចំកិច្ចប្រជុំប្រចាំឆ្នាំ លើកទី២៧​ នៃវេទិកាសភាអាស៊ី-ប៉ាស៊ីហ្វិក នាព្រឹកថ្ងៃទី១១ ខែតុលា ឆ្នាំ២០១៨នេះ នៅវិមានរដ្ឋសភា។

នៅក្នុងកិច្ចប្រជុំត្រួតពិនិត្យលទ្ធផលការងារនេះ អង្គប្រជុំបានស្តាប់របាយការណ៍ពីលទ្ធផលការងារដែលបានអនុវត្តកន្លងមក ពីក្រុមការងារលេខាធិកា- រដ្ឋានជាតិAPPF​ និងពីអនុគណៈកម្មការទទួលបន្ទុកវិស័យនានា។

ឯកឧត្តម ឡេង ប៉េងឡុង អគ្គលេខាធិការរដ្ឋសភា និងជាប្រធានលេខាធិការដ្ឋានជាតិ APPF បានលើកឡើងថា រហូតមកដល់ពេលនេះ​ ក្រុមការងារ លេខាធិការដ្ឋាន បានផ្ញើឯកសារមួយចំនួនទៅកាន់ក្រុមប្រទេស ដែលជាសមាជិកគណៈកម្មាធិការប្រតិបត្តិរបស់APPF។ ឯកសារទាំងនោះមាន ប្រធានបទធំនៃកិច្ចប្រជុំ​ និងប្រធានបទតូចៗ តាមវិស័យ និងសេចក្តីព្រាងកម្មវិធីប្រជុំ​។

ឯកឧត្តមប្រធានក្រុមលេខាធិការដ្ឋានជាតិ បានគូសបញ្ជាក់ថា​ ប្រទេសសមាជិកគណៈកម្មាធិការប្រតិបត្តិ APPF បានឆ្លើយតបថា​បានទទួល និងបាន ប្រាប់មកវិញថា ប្រទេសសមាជិក APPF នឹងមានសេចក្តីព្រាងសេចក្តីសម្រេច ដាក់ចូលក្នុងកិច្ចប្រជុំលើកទី២៧នេះ។ ចំណែកប្រទេសជប៉ុន បានមាន មតិមួយចំនួនលើអ្វីដែលកម្ពុជាបានផ្ញើជូន។ “អ្វីដែលយើងត្រូវធ្វើបន្តទៀតគឺរង់ចាំទទួលសេចក្តីព្រាងសេចក្តីសម្រេចពីប្រទេសសមាជិកAPPF។ ហើយ យើងគ្រោងនឹងបញ្ជូនលិខិតអញ្ជើញចូលរួមប្រជុំផ្លូវការ ទៅកាន់សមាជិកAPPFទាំងអស់ ក្នុងពេលឆាប់ៗនេះ”។​​ នេះជាការបញ្ជាក់របស់ ឯកឧត្តម ឡេង ប៉េងឡុង

ឯកឧត្តមអគ្គលេខាធិការរដ្ឋសភា បានជម្រាបកិច្ចប្រជុំថា ក្រុមការងារលេខាធិការដ្ឋានជាតិ APPF បានកំពុងធ្វើការងារតាមប្រតិទិនការងារដែលបាន កំណត់ និងត្រៀមខ្លួនបម្រើការងារជូនសមា​ជិក​សមាជិកាសភា តាមតម្រូវការជានិច្ច។

នៅក្នុងកិច្ចប្រជុំនេះ ឯកឧត្តម លោកជំទាវ ដែលជាប្រធានអនុគណៈកម្មការនានាក្នុងការត្រៀមរៀបចំកិច្ចប្រជុំប្រចាំឆ្នាំលើកទី២៧ APPF ក៏បាន រាយការណ៍ពីលទ្ធផលការងារជូនកិច្ចប្រជុំផងដែរ ដូចជា​ លោកជំទាវ ឃួន សុដារី អនុប្រធានទី២រដ្ឋសភា និងជាប្រធានដឹកនាំកិច្ចប្រជុំសមាជិកសភា ស្រ្តី។ ឯកឧត្តម ឈាង វុន ប្រធានគណៈប្រតិភូសភាកម្ពុជា និងជាប្រធានអនុគណៈកម្មការព័ត៌មាន និងICT។ ឯកឧត្តមបណ្ឌិតរដ្ឋ ជាម យៀប ប្រធានអនុគណៈកម្មការហិរញ្ញវត្ថុ និងផ្គត់ផ្គង់ឯកឧត្តមបណ្ឌិត ប៉ែន បញ្ញា ប្រធានអនុគណៈកម្មការត្រួតពិនិត្យ និងប្រឹក្សាយោបល់លើខ្លឹមសារ គ្រប់វិស័យរបស់គណៈប្រតិភូសភាកម្ពុជាឯកឧត្តម ហ៊ុន ណេង ប្រធានអនុគណៈកម្មការសន្តិសុខ និងលោកជំទាវ និន សាផុន ប្រធាន អនុគណៈកម្មការដឹកជញ្ជូន ជាដើម។

តាមសេចក្តីរាយការណ៍របស់ឯកឧត្តម លោកជំទាវ ខាងលើ បានគូសបញ្ជក់ថា ក្រុមការងារបានសម្រេចលទ្ធផលតាមទិសដៅនិងផែនការគ្រោងទុក។ ជាពិសេសដោយសារសភាកម្ពុជាមានបទពិសោធន៍ជាច្រើន នៅក្នុងការរៀបចំកិច្ចប្រជុំឬមហាសន្និបាតសភា ជាលក្ខណៈអន្តរជាតិបែបនេះ បានធ្វើ ឲ្យការទទួលខុសត្រូវរបស់សភាកម្ពុជានាពេលនេះ មិនមានភាពស្មុគស្មាញប៉ុន្មាននោះទេ។

វេទិកាសភាអាស៊ី-ប៉ាស៊ីហ្វិក ដែលមានឈ្មោះជាភាសាអង់គ្លេស “The Asia Pacific Parliam​e​n​tary Forum” បានបង្កើតឡើងនៅទីក្រុងតូក្យូ ក្នុងឆ្នាំ ១៩៩៣។ សភានៃព្រះរាជាណាចក្រកម្ពុជា បានចូលជាសមាជិកពេញសិទ្ធិនៃវេទិកាសភានេះ កាលពីឆ្នាំ១៩៩៥។ បច្ចុប្បន្ន APPF មានសមាជិក ពេញសិទ្ធិចំនួន២៧ប្រទេស។ សភាកម្ពុជានឹងធ្វើជាម្ចាស់ផ្ទះរៀបចំកិច្ចប្រជុំប្រឆ្នាំលើកទី២៧ APPF នៅខេត្តសៀមរាប ពីថ្ងៃទី១៤ ដល់ថ្ងៃទី១៧ ខែមករាឆ្នាំ២០១៩ ក្រោមប្រធានបទ “ការពង្រឹងភាពជាដៃគូសភា ដើម្បីសន្តិភាព សន្តិសុខ និងការអភិវឌ្ឍប្រកបដោយចីរភាព”។

ឯកឧត្តមបណ្ឌិត ងួន ញ៉ិល ក្នុងនាម សម្តេចអគ្គមហាពញាចក្រី ហេង សំរិន ប្រធានរដ្ឋសភា និងជាប្រធានវេទិកាសភាអាស៊ី-ប៉ាស៊ីហ្វិក លើកទី២៧ នេះ បានកោតសរសើរ និងវាយតម្លៃខ្ពស់ ចំពោះការខិតខំបំពេញការងាររបស់ឯកឧត្តម លោកជំទាវ ដែលជាប្រធានអនុគណៈកម្មការនានា និងមន្រ្តី ក្រុមការងារលេខាធិការដ្ឋានជាតិAPPF ទាំងអស់។  ឯកឧត្តមបណ្ឌិតបានស្នើសុំឲ្យក្រុមការ​ងារទាំងអស់ បន្តការងារត្រៀមរៀបចំនេះបន្តទៀតដោយ មានការទទួលខុសត្រូវខ្ពស់ រហូតដល់កិច្ចប្រជុំបានបញ្ចប់ដោយទទួលបានជោគជ័យ។ ឯកឧត្តមបានបញ្ជាក់ថា ការទទួលធ្វើជាម្ចាស់ផ្ទះកិច្ចប្រជុំ លើកទី២៧APPFនេះ ជាមុខមាត់កម្ពុជា ជាមុខមាត់ប្រជាពលរដ្ឋ និងថ្នាក់ដឹកនាំទាំងអស់ ក្នុងការចូលរួមចំណែកកសាងសុខសន្តិភាពតំបន់ និង ពិភពលោក។

ឯកឧត្តមប្រធានគណៈកម្មការរៀបចំ បានស្នើដល់អនុគណៈកម្មការទទួលបន្ទុកខ្លឹមសារកិច្ចប្រជុំ បន្តជំរុញបន្ថែមក្នុងការតាក់តែងខ្លឹមសារសុន្ទរកថា សម្រាប់ថ្នាក់ដឹកនាំ បទអន្តរាគមន៍តាមវិស័យនានា ជាពិសេសពន្លឿនការរៀបចំតាក់តែងសេចក្តីព្រាងសេចក្តីសម្រេចទៅតាមខ្លឹមសារ នៃប្រធានបទ របស់វិស័យនីមួយៗ នៃកិច្ចប្រជុំ ដោយសហការជាមួយភាគីពាក់ព័ន្ធ ឲ្យ​ស្របតាមប្រតិទិនការងារ៕

អត្ថបទ និងរូបភាព ដោយនាយកដ្ឋានព័ត៌មាន