ឯកឧត្តម ហ៊ុន ម៉ានី ចុះសិក្សាស្វែងយល់ពីវឌ្ឍនភាពការងារ និងបញ្ហាប្រឈមរបស់មន្ទីរជំនាញពាក់ព័ន្ធ នៅខេត្តបន្ទាយមានជ័យ__ គណៈប្រតិភូAPPF កោតសរសើរប្រាង្គ​ប្រាសាទក្នុងតំបន់អង្គររបស់កម្ពុជាថា ពិតជាល្អគ្មានពីរលើលោក__ អនុប្រធានសភាឌូម៉ា សហព័ន្ធរុស្ស៊ីសរសើរខ្លឹមសារកិច្ចប្រជុំសមាជិកសភាស្រ្តី APPF នៅកម្ពុជា__ ឯកឧត្ដមបណ្ឌិត ងួន ញ៉ិល បន្តដឹកនាំកិច្ចប្រជុំពេញអង្គវគ្គទី២ នៃកិច្ចប្រជុំAPPF លើកទី២៧ ដោយបន្តការពិភាក្សាលើវិស័យសេដ្ឋកិច្ច និងពាណិជ្ជកម្ម__ សម្តេចអគ្គមហាពញាចក្រី ហេង សំរិន ទទួលជួបពិភាក្សាការងារជាមួយប្រធានរដ្ឋសភាវៀតណាម__ សម្តេចប្រធានរដ្ឋសភាទទួលជួបពិភាក្សាការងារជាមួយអនុប្រធានសភាតំណាងប្រជាជនចិន__ លោកជំទាវ ឃួន សុដារី៖ វត្តមានរបស់គណៈប្រតិភូព្រឹទ្ធសភាសហរដ្ឋម៉ិកស៊ិចនៅពេលនេះ ជាស្ពានផ្សារភ្ជាប់រវាងអាមេរិចឡាទីន និងអាស៊ី-ប៉ាស៊ីហ្វិក__ កិច្ចប្រជុំពេញអង្គលើកទី១នៃកិច្ចប្រជុំAPPF លើកទី២៧ ផ្ដោតការពិភាក្សាគ្នាលើវិស័យនយោបាយ និងសន្តិសុខ__ វេទិកាសភាអាស៊ី-ប៉ាស៊ីហ្វិក លើកទី២៧ បានប្រារព្ធពិធីបើកកិច្ចប្រជុំជាផ្លូវការនៅលើទឹកអង្គរ ខេត្តសៀមរាប__ សម្តេចអគ្គមហាពញាចក្រី ហេង សំរិន៖ កាតព្វកិច្ច APPF បង្កើតចក្ខុវិស័យច្បាស់លាស់មួយ ក្នុងការកសាងសន្តិភាព និងវិបុលភាព សម្រាប់មនុស្សជំនាន់ក្រោយ__ សម្ដេច ហេង សំរិន៖ គោលបំណងរួមរបស់APPF គឺការកសាងតំបន់អាស៊ី-ប៉ាស៊ីហ្វិកឱ្យទៅជាតំបន់មួយដែលមានសុខសន្តិភាព ស្ថិរភាព វឌ្ឍនភាព និងភាពសុខដុមរមនា__ សម្តេចអគ្គមហាពញាចក្រី ហេង សំរិន ផ្តល់អនុសាសន៍មួយចំនួន ដល់សមាជិកសភាស្រ្តី APPF ដើម្បីលើកកម្ពស់សមភាពយ៉េនឌ័រ__ លោកជំទាវ ឃួន សុដារី ទទួលជួបសវនាការជាមួយគណៈប្រតិភូសភាជាន់ខ្ពស់សភាឌូម៉ា នៃសហព័ន្ធរុស្ស៊ី__ ឯកឧត្ដម ឡេង ប៉េងឡុង ផ្ដល់ព័ត៌មានបន្ថែមដល់ក្រុមជំនួយការគណៈប្រតិភូសមាជិក(APPF) ទាំងអស់ អំពីដំណើរការកម្មវិធីនៃកិច្ចប្រជុំ(APPF)លើកទី២៧__ រដ្ឋសភាកម្ពុជាឡាវចុះអនុស្សរណៈយោគយល់ពង្រឹងកិច្ចសហប្រតិបត្តិការ__ សម្តេចអគ្គមហាពញាចក្រី ហេង សំរិន ដឹកនាំកិច្ចប្រជុំគណៈកម្មាធិការប្រតិបត្តិវេទិកាសភាអាស៊ី-ប៉ាស៊ីហ្វិកលើកទី២៧__ គណៈប្រតិភូបរទេសបានអញ្ជើញមកដល់កម្ពុជាបណ្តើរៗហើយ ដើម្បីចូលរួមកិច្ចប្រជុំវេទិកាសភាអាស៊ី-ប៉ាស៊ីហ្វិក លើកទី២៧ (APPF-27)__ អគ្គលេខាធិការដ្ឋានរដ្ឋសភាបួងសួងសូមម្ចាស់ទឹកដីអង្គរឲ្យដំណើរការកិច្ចប្រជុំលើកទី២៧ APPF ប្រព្រឹត្តទៅដោយរលូន និងជោគជ័យ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » សភាកម្ពុជាផ្តើមពិភាក្សាប្រធានបទក្នុងវិស័យសេដ្ឋកិច្ចសម្រាប់កិច្ចប្រជុំប្រចាំឆ្នាំលើកទី២៧ វេទិកាសភាអាស៊ី-ប៉ាហ្វិក
សភាកម្ពុជាផ្តើមពិភាក្សាប្រធានបទក្នុងវិស័យសេដ្ឋកិច្ចសម្រាប់កិច្ចប្រជុំប្រចាំឆ្នាំលើកទី២៧ វេទិកាសភាអាស៊ី-ប៉ាហ្វិក
រៀបរៀងដោយ ៖​ NA1472 ​ នៅថ្ងៃទី (6/12/2018 11:32:58 PM )

ក្នុងតួនាទីជាម្ចាស់ផ្ទះកិច្ចប្រជុំលើកទី២៧ នៃវេទិកាសភាអាស៊ី-ប៉ាស៊ីហ្វិក នៅដើមឆ្នាំ២០១៩ ខាង​មុខនេះ សភាកម្ពុជា នៅព្រឹកថ្ងៃទី១៣ ខែមិថុនា ឆ្នាំ២០១៨នេះ​ បាន​ប្រជុំ​ក្នុង​ក្រប​ខ័ណ្ឌ​ក្រុម​ការងារ​ទទួល​បន្ទុកវិស័យសេដ្ឋកិច្ច និងពាណិជ្ជកម្ម ដើម្បីជ្រើសរើសប្រធានបទក្នុងវិស័យនេះ សម្រាប់​កិច្ច​ប្រជុំប្រចាំឆ្នាំលើកទី២៧ នៃវេទិកាសភាអាស៊ី-ប៉ាស៊ីហ្វិក ដែលនឹងប្រារព្ធធ្វើនៅដើម​ឆ្នាំ២០១៩ ខាងមុខ​នេះ​។

កិច្ចប្រជុំនេះ បានពិភាក្សាគ្នាលើប្រធានបទចំនួន៤ ដែលស្រាវជ្រាវដោយអគ្គនាយក​ដ្ឋាន​នីតិកម្ម និងស្រាវជ្រាវ នៃអគ្គលេខាធិការដ្ឋានរដ្ឋសភា និង ប្រធានបទ២ទៀត ដែល​លើកឡើង​ដោយ ​ឯក​ឧត្តម ឡេង ប៉េងឡុង អគ្គលេខាធិការរដ្ឋសភា

នៅកិច្ចប្រជុំដែល​ដឹកនាំដោយ ឯកឧត្តម ឈួន ឡេង សមាជិកព្រឹទ្ធសភា និងជាប្រធានក្រុម​ការងារទទួលបន្ទុកវិស័យសេដ្ឋកិច្ច និងពាណិជ្ជកម្ម នៃកិច្ចប្រជុំប្រចំាឆ្នាំលើកទី២៧នៃAPPF ឯកឧត្តម ឡេង ប៉េងឡុង បានស្នើដល់អង្គប្រជុំលើកឡើងនូវប្រធានបទដែលមានលក្ខណៈទូទៅ ហើយមាន ផលប៉ះពាល់ដល់ប្រទេសទំាងអស់ ដែលជាសមាជិកនៃវេទិកាសភាអាស៊ី-ប៉ាស៊ីហ្វិក។

បន្ទាប់ពីបានជជែកគ្នាយ៉ាងល្អិតល្អន់ កិច្ចប្រជុំដែល​មានសមាសភាពចូលរួម​ជា​ច្រើន​វិស័យ មានសមាជិក សមាជិកា រដ្ឋសភា ព្រឹទ្ធសភា ដែលជា ថ្នាក់ដឹកនាំ និងសមាជិកក្រុម​ការងារ​ទទួលបន្ទុក​វិស័យសេដ្ឋកិច្ច និងពាណិជ្ជកម្ម APPF លើកទី២៧​។ ក្រុមការងារលេខាធិការដ្ឋាន​សភាកម្ពុជា សម្រាប់​ការរៀបចំ APPF លើកទី២៧ រួម​ទំាងមន្រ្តីជំនាញមកពីក្រសួងសេដ្ឋកិច្ច និងហិរញ្ញវត្ថុ និង​ក្រសួងពាណិជ្ជកម្ម​ផង​នោះ កិច្ចប្រជុំបានសម្រេចជ្រើស​រើស ប្រធានបទចំនួនបី សម្រាប់ដាក់ជូ​​ន​ថ្នាក់​ដឹកនាំសម្រេច និងលើកយកទៅដាក់ក្នុងកិច្ចប្រជុំ APPFលើកទី២៧។

ប្រធានបទដែលកិច្ចប្រជុំនាពេលនេះ បានជ្រើសរើសនោះមាន ទី១ ការពង្រឹងកិច្ចសហ​ប្រតិបត្តិការល្អរវាងរដ្ឋក្នុងតំបន់ឲ្យមានសុខដុមនីយកម្មច្បាប់ សម្រាប់ទទួលបានកំណើនប្រកប​ដោយបរិយាប័ន្ន និងចីរភាព។ ប្រធានបទទី២ គឺកិច្ចប្រឹង​ប្រែងរួមគ្នា ដើម្បីកសាងតំបន់អាស៊ី​ប៉ាស៊ីហ្វិក ទៅជាតំបន់ ពាណិជ្ជកម្មសេរី និងប្រធានបទ​ទី៣ ការពង្រឹង​ការទទួលបាន ហិរញ្ញប្បទាន និង​គោល​នយោបាយបណ្តុះបណ្តាលវិជ្ជាជីវៈ សម្រាប់​សហគ្រាស​ធនតូច និងមធ្យម ដើម្បីសម្រេចបាន​វឌ្ឍន​ភាព​ និងវិបុលភាពក្នុងតំបន់។​

ជាការកត់សម្គាល់ ទោះបីជាមានការសម្រេចទទួលយកប្រធានបទ​ទំាង​បី​ខាងលើនេះក្តី តែក្រុមការងារបច្ចេកទេសត្រូវពិនិត្យពាក្យពេចន៍ និងខ្លឹមសារ ទំាងភាសាខ្មែរ និងអង់​គ្លេស​​បន្តទៀត ហើយវិស័យនេះ នឹងមានកិច្ចប្រជុំបន្តបន្ទាប់ទៀត ដើម្បីពិនិត្យមើលទៅលើខ្លឹមសាររួមនៃប្រធានបទទំាងបីនេះ។

សូមជម្រាបថា វេទិកាសភាអាស៊ី-ប៉ាស៊ីហ្វិក ដែលមានឈ្មោះជាភាសាអង់គ្លេស “The Asia Pacific Parlia​mentary Forum” បានបង្កើតឡើងនៅ ទីក្រុងតូក្យូ ប្រទេសជប៉ុន ក្នុងឆ្នាំ១៩៩៣។ សភា​នៃព្រះរាជាណាចក្រកម្ពុជា បានចូលជាសមាជិកពេញសិទ្ធិនៃវេទិកាសភានេះ កាល​ពី​ឆ្នាំ១៩៩៥។ បច្ចុប្បន្នAPPFមានសមាជិកពេញសិទ្ធិចំនួន២៧ប្រទេស។ វេទិកានេះ តែងតែ​មានកិ​ច្ច​ប្រជុំប្រចំា​ឆ្នាំជាទៀងទាត់ ដោយប្រទេសជាសមាជិកផ្លាស់វេន គ្នាធ្វើជាប្រធាន។

ក្នុងការត្រៀមធ្វើជាម្ចាស់ផ្ទះនៃវេទិកាសភាដ៏ធំមួយនៅក្នុងតំបន់នាពេលនេះ សភាកម្ពុជាមានប្រតិទិនការងារច្បាស់លាស់ ដែលមកដល់ពេលនេះ គឺសភាកម្ពុជាបានសម្រេចនូវស្លាកសញ្ញាកិច្ចប្រជុំ ពេលវេលា ទីកន្លែង និងប្រធានបទធំនៃកិច្ចប្រជុំ។ ឯកឧត្តម ឡេង ប៉េងឡុង ដែលជាប្រធាន​លេខាធិការដ្ឋានសភាកម្ពុជារៀបចំកិច្ចប្រជុំAPPF លើកទី២៧ បានគូសបញ្ជាក់ថា ការត្រៀមរៀបចំកិច្ច​ប្រជុំលើកទី២៧ APPF បានដំណើរការតាម ប្រតិទិន។

តាមគម្រោងកិច្ចប្រជុំលើកទី២៧ នៃវេទិកាសភាតំបន់អាស៊ី-ប៉ាស៊ីហ្វិកនេះ សភាកម្ពុជាគ្រោង​រៀបចំធ្វើនៅលើទឹកដីអង្គរខេត្តសៀមរាប ពីថ្ងៃទី១៣ ដល់ ទី១៧ ខែមករា ឆ្នាំ២០១៩ ដោយមានប្រធាន​បទ ​​“ពង្រឹង​ភាពជាដៃគូសភា ដើម្បីសន្តិភាព សន្តិសុខ និងការអភិវឌ្ឍប្រកបដោយចីរភាព”។

ក្នុង​កិច្ច​ប្រជុំប្រចាំឆ្នាំនោះ APPFនឹងមានកិច្ចប្រជុំតាមវិស័យមួយចំនួន ដែលមានដូចជាវិស័យសមាជិកសភាស្រ្តី វិស័យន​យោ​បាយ និងសន្តិសុខ វិស័យសេដ្ឋកិច្ច និងពាណិជ្ជកម្ម រួមនឹង​វិស័​យ​កិច្ចសហប្រតិបត្តិការក្នុង​តំបន់ និង​វិស័យអនាគតAPPF។ ក្រុមការងារទទួលបន្ទុកវិស័យទំាង​អស់​នេះ បានកំពុង​ប្រជុំជ្រើសរើស​ប្រធាន​បទរៀងៗខ្លួនតាមប្រតិទិនការងារ ៕

អត្ថបទ និងរូបភាព ដោយនាយកដ្ឋានព័ត៌មាន