សេចក្តីជូនដំណឹង របស់ អគ្គលេខាធិការដ្ឋានរដ្ឋសភា ថ្ងៃសុក្រ ទី២៣ ខែកុម្ភៈ ឆ្នាំ២០១៨__ សារលិខិតរំលែកទុក្ខ ជូនចំពោះ ឯកឧត្តម ស្រ៊ុន តារា និងក្រុមគ្រួសារ__ សារលិខិតរំលែកទុក្ខ ជូនចំពោះ ឯកឧត្តម ស្រ៊ុន តារា និងក្រុមគ្រួសារ__ ថ្នាក់ដឹកនាំ និងមន្រ្តីអង្គការមនុស្សធម៌ People for Care Learning ស្វែងយល់ពីតួនាទីភារកិច្ចរដ្ឋសភា__ ឯកអគ្គរដ្ឋទូតសាធារណរដ្ឋកូរ៉េស្នើសុំសម្តេចប្រធានរដ្ឋសភាគំាទ្រគោលនយោបាយអាស៊ីខាងត្បូងរបស់ខ្លួន__ រដ្ឋសភាផ្តើមប្រជុំពិភាក្សានិងអនុម័តសេចក្តីព្រាងច្បាប់ស្តីពី វិសោធនកម្មមាត្រាខ្លះ នៃរដ្ឋធម្មនុញ្ញ __ សេចក្តីប្រកាសព័ត៌មានស្តីពី លទ្ធផលនៃកិច្ចប្រជុំគណៈកម្មាធិការអចិន្រ្តៃយ៍រដ្ឋសភា ថ្ងៃពុធ​ ទី១៤ ខែកុម្ភៈ ឆ្នាំ២០១៨ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » សម្តេចប្រធានរដ្ឋសភានិងក្រុមគ្រួសារ ដង្ហែអង្គកឋិនទានទៅកាន់ "វត្តគីរីសុវណ្ណារាមហៅ វត្តថ្កូវ"
សម្តេចប្រធានរដ្ឋសភានិងក្រុមគ្រួសារ ដង្ហែអង្គកឋិនទានទៅកាន់ "វត្តគីរីសុវណ្ណារាមហៅ វត្តថ្កូវ"
រៀបរៀងដោយ ៖​ NA1472 ​ នៅថ្ងៃទី (10/11/2017 8:40:50 PM )

សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា និងលោកជំទាវ សៅ ទី ហេង សំរិន ព្រមទាំង បុត្រា បុត្រី ចៅប្រុស ចៅស្រី រួមជាមួយ ឯកឧត្តម វង សូត និងលោកជំទាវ ហេង ពៅ ព្រមទាំងថ្នាក់ដឹកនាំមន្ត្រីរាជការ នៃក្រសួងសង្គមកិច្ច អតីតយុទ្ធជន និង យុវនីតិសម្បទា គណៈអភិបាលខេត្តត្បូងឃ្មុំ មន្ទីរជំនាញជុំវិញខេត្ត ព្រមទាំងមន្ត្រីរាជការ កងកម្លាំងប្រដាប់អាវុធគ្រប់ប្រភេទ ព្រមទាំងព្រះសង្ឃ អាចារ្យ គណៈកម្មការវត្ត និងពុទ្ធបរិស័ទជិតឆ្ងាយចំណុះជើងវត្ត "គីរីសុវណ្ណារាម ហៅវត្តថ្កូវ" បានមូលមតិគ្នាជាឯកច្ឆ័ន្ទ ផ្តួចផ្តើមធ្វើបុណ្យកឋិនទាន ដើម្បីដង្ហែ ទៅវេរប្រគេនព្រះសង្ឃ ដែលចាំព្រះវស្សាអស់ត្រីមាសក្នុងពុទ្ធសីមា វត្តគីរីសុវណ្ណារាម ហៅវត្តថ្កូវ ស្ថិតនៅភូមិអន្លង់ជ្រៃ ឃុំកក់ ស្រុកពញាក្រែក ខេត្តត្បូងឃ្មុំ ។

កម្មវិធីបុណ្យនេះ បានរៀបចំធ្វើនៅរសៀលថ្ងៃ៤រោច ខែអស្សុជ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃចន្ទ ទី៩ ខែតុលា ឆ្នាំ២០១៧ នៅភូមិគ្រឹះ សម្តេចអគ្គមហាពញាចក្រី ហេង សំរិន លេខ១០-១២ ផ្លូវលេខ៧៣ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ដោយមានការជួបជុំ ពុទ្ធបរិស័ទជិតឆ្ងាយ ប្រារព្ធពិធីសូត្រមន្តធ្វើបទនមស្ការចំពោះព្រះរតនត្រ័យ សមាទានសីល និមន្តព្រះសង្ឃចម្រើនព្រះបរិត្ត និងសម្តែងធម្មទេសនា។ លុះព្រឹកថ្ងៃ៥រោច ខែអស្សុជ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃអង្គារ ទី១០ ខែតុលា ឆ្នាំ២០១៧ ជួបជុំពុទ្ធបរិស័ទ និងបងប្អូនញាតិមិត្តជិតឆ្ងាយ រៀបចំក្បួនដង្ហែអង្គកឋិនទានឆ្ពោះទៅវត្តគីរីសុវណ្ណារាម ហៅវត្តថ្កូវ ស្ថិតនៅភូមិអន្លង់ជ្រៃ ឃុំកក់ ស្រុកពញាក្រែក ខេត្តត្បូងឃ្មុំ។

បន្ទាប់ពីអង្គកឋិនទានបានដង្ហែទៅដល់វត្តគីរីសុវណ្ណារាម ហៅវត្តថ្កូវ និងបានប្រារព្ធពិធីទៅតាមប្រពៃណីព្រះពុទ្ធសាសនារួចមក សម្តេចអគ្គមហាពញា ចក្រី ហេង សំរិន បានមានប្រសាសន៍សំណេះសំណាលជាមួយពុទ្ធបរិស័ទដែលបានអញ្ជើញចូលរួម ដោយសម្តេចបានលើកឡើងអំពី ការប្រារព្ធធ្វើ បុណ្យកឋិនទាន ដែលប្រជាពលរដ្ឋតែងរៀបចំធ្វើឡើងជារៀងរាល់ឆ្នាំ ចាប់ពីថ្ងៃ១រោច ខែអស្សុជ រហូតដល់ ថ្ងៃ១៥កើត ខែកត្តិក ដើម្បីដង្ហែទៅប្រគេន ចំពោះព្រះសង្ឃដែលគង់ចាំព្រះវស្សាអស់ត្រីមាស នៅក្នុងពុទ្ធសីមាវត្តនានាទូទាំងប្រទេស។

សម្តេចបានមានប្រសាសន៍លើកឡើងអំពីលទ្ធភាព និងភាពងាយស្រួល ដែលប្រជាពលរដ្ឋអាចធ្វើបុណ្យធ្វើទានបានប្រកបដោយភាពសប្បាយរីករាយ បែបនេះ គឺអាស្រ័យដោយប្រទេសជាតិមានសុខសន្តិភាព ដូច្នេះយើងទាំងអស់គ្នាត្រូវរួមគ្នាថែរក្សាសុខសន្តិភាពនេះ ឲ្យនៅស្ថិតស្ថេរជានិច្ច ដើម្បីយើង ទាំងអស់គ្នាអាចធ្វើបុណ្យទាន និងកំសាន្តសប្បាយបានជាយូរអង្វែងតទៅ ព្រោះថាបើប្រទេសជាតិកើតកលិយុគហើយ អ្វីៗទាំងអស់វានឹងបាត់បង់ទៅ វិញ ហើយវានឹងផ្ដល់នូវផលវិបាកសម្រាប់កូនចៅយើងជំនាន់ក្រោយជាថ្មីម្តងទៀតជាក់ជាមិនខានឡើយ៕

អត្ថបទនិងរូបភាពដោយនាយកដ្ឋានព័ត៌មាន

វិថីរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ព្រះរាជាណាចក្រកម្ពុជា
ទូរសព័្ទ ​លេខ: (855-23) 213 535, 220 628 ទូរសារ: (855-23)220 629
សារអេឡិចត្រូនិច: sg@national-assembly.org.kh, sg@nac.org.kh
គេហទំព័រ www.national-assembly.org.kh, www.nac.org.kh