នៅថ្ងៃទី១៧ ខែឧសភា ឆ្នាំ២០១២ នៅវិមានរដ្ឋសភា មានពិធីបើកវគ្គបណ្តុះបណ្តាល​ផ្នែកច្បាប់ស្តីពី “ ការត្រួតពិនិត្យ និងវិភាគច្បាប់ “ ក្រោមអធិបតីភាព ឯកឧត្តម ឡេង ប៉េងឡុង អគ្គលេខាធិការរដ្ឋសភា ក្រោមកិច្ចសហការឧបត្ថម្ភពីមូលនិធិខុនរ៉ាដអាឌិនណៅអ៊ែរ ប្រចាំ​នៅ កម្ពុជា ។

នៅក្នុងពិធីបើកវគ្គបណ្តុះបណ្តាល លោក ដេនីស សៃ្រយ៍ តំណាងមូលនិធិខុនរ៉ាដអាឌិន​ណៅអ៊ែរ បានមានប្រសាសន៍ឲ្យដឹងថា មូលនិធិខុនរ៉ាដអាឌិនណៅអ៊ែរ បានជួយដល់ស្ថាប័ន​នីតិប្បញ្ញត្តិទាំង២ របស់ព្រះរាជាណាចក្រកម្ពុជាជាច្រើនផ្នែក នឹងបានជួយបណ្តុះបណ្តាល នឹង​ពង្រឹងសមត្ថភាពមន្ត្រីនៃសភាទាំងពីរ លើផ្នែកច្បាប់បន្ថែមទៀត ដើម្បីជួយសម្រួលការងារផ្នែក​ច្បាប់ដល់តំណាងរាស្ត្រ។ លោកបានបញ្ជាក់ថា ការបណ្តុះបណ្តាលមន្ត្រីលើផ្នែកច្បាប់ស្តីពី​                ការត្រួតពិនិត្យ និងវិភាគច្បាប់ នេះមានគោលបំណងលើកកម្ពស់លើការគ្រប់គ្រងហិរញ្ញវត្ថុ​ នឹង សវនកម្ម ការលើកកម្ពស់ការស្រាវជ្រាវច្បាប់ វិភាគច្បាប់ នឹងតាក់តែងច្បាប់ ព្រមទាំងការ​ធានាឲ្យមានតម្លាភាព អភិបាលកិច្ចល្អ នឹងការគ្រប់គ្រងសម្បត្តិសាធារណៈ។

នៅរសៀលថ្ងៃទី០៨ ខែឧសភា ឆ្នាំ២០១២ លោកជំទាវ ឃួន សុដារី អនុប្រធានទី២ នៃរដ្ឋសភា បានអនុញ្ញាតអោយលោក ស៊ូ ស៊ូមុហាយ៉ាសិ ប្រធានក្រុមហ៊ុន Grand (ហ្រ្គែន) របស់ ជប៉ុន និងលោកឧកញ៉ា ស៊ន សុខណា អគ្គនាយកក្រុមហ៊ុន សូណាត្រាហ្រ្គុប ចូលជួបធ្វើសវនាការ នៅ វិមានរដ្ឋសភា។

ជាមួយ​ និងការថ្លែងអំណរគុណដល់លោកជំទាវ ឃួន សុដារី អនុប្រធានទី២ នៃរដ្ឋសភា លោក ហា យ៉ាសិ ប្រធានក្រុមហ៊ុន Grand បានមានប្រសាសន៍ជម្រាបជូនលោកជំទាវ អំពី​គម្រោង​ការ​វិនិយោគនានារបស់ក្រុមហ៊ុន Grand និងកិច្ចសហការជាមួយក្រុមហ៊ុន សូណាត្រា​របស់​លោក​ឧក​​ញ៉ា ស៊ន សុខណា ជូនលោកជំទាវបានជ្រាប ព្រមទាំងបានបញ្ជាក់ថា តាមរយៈ​ការ​បំពេញ​​ទស្សន​​កិច្ចនេះ លោកនឹងជួយធ្វើការផ្សព្វផ្សាយ និងទាក់ទាញដល់មិត្តភ័ក្រ្តអ្នកវិនិ​យោគ​​ជប៉ុន​​​​​​​​​​  ផ្សេង​ៗ​​ទៀតអោយគេមកវិនិយោគនៅកម្ពុជាអោយបានច្រើនថែមទៀត។

នៅស្រុកកំពង់សៀម ខេត្តកំពង់ចាម ថ្ងៃទី៥ ខែឧសភា ឆ្នាំ២០១២ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធី​សំណេះសំណាល​ជាមួយ​បុគ្គ​លិកសិក្សា លោកគ្រូ អ្នកគ្រូ និងគ្រូពេទ្យ ចំនួន១២០០នាក់ នៅទូទាំងស្រុក​កំពង់សៀម ខេត្ត​កំពង់ចាម​។

លោក គីម ឌី អភិបាលស្រុកកំពង់សៀម មានប្រសាសន៍ថា វត្តមាន សម្តេចអគ្គមហាពញាចក្រី ហេង សំរិន ប្រធានរដ្ឋសភា នាពេលនេះជាសក្ខីភាពមួយដែលបញ្ជាក់ពីការយកចិត្តទុកដាក់ដ៏ខ្ពង់ខ្ពស់​របស់សម្តេច ចំពោះបុគ្គលិកសិក្សា លោកគ្រូ អ្នកគ្រូ និងគ្រូពេទ្យ ក៏ដូចជាប្រជាពលរដ្ឋនៅទូទាំងស្រុក​កំពង់សៀម ខេត្តកំពង់ចាម។

វគ្គបណ្តុះបណ្តាលស្តីពី “ការពង្រឹងតួនាទីត្រួតពិនិត្យសវនកម្មលើប្រព័ន្ធត្រួតពិនិត្យផ្ទៃក្នុង“ ជូនដល់​មន្ត្រីសវនកម្មផ្ទៃក្នុងរដ្ឋសភា និងព្រឹទ្ធសភា ចំនួន២៤នាក់ ដែលបានចាប់ផ្តើមពីថ្ងៃទី១៨ ខែមេសា ដល់ថ្ងៃទី៤ ខែឧសភា ឆ្នាំ២០១២ ក្រោមកិច្ចសហការឧបត្ថម្ភពីមូលនិធិខុនរ៉ាដអាឌិនណៅអ៊ែរ សហការជា មួយលេខា​ធិការសម្របសម្រួលបច្ចេកទេសនៃសភាកម្ពុជា (TCS) ត្រូវបានប្រារព្ធពិធីបិទវគ្គក្រោមអធិបតីភាព ឯកឧត្តម ឡេង ប៉េងឡុង អគ្គលេខាធិការរដ្ឋសភា កាលពីថ្ងៃទី៤ ខែឧសភា ឆ្នាំ២០១២ នៅវិមានរដ្ឋសភា។

នៅព្រឹកថ្ងៃទី២ ខែឧសភា ឆ្នាំ២០១២ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា បានអញ្ជើញជាអធិបតីភាពក្នុងពិធីបើកសន្និបាតបូកសរុបការងាររណសិរ្ស សាមគ្គីអភិវឌ្ឍន៍មាតុភូមិកម្ពុជាលើកទី៥ និងលើកទិសដៅការងារអនុវត្តបន្ត ដែលមានការចូលរួមពី សំណាក់ សម្តេចព្រះអគ្គមហា​សង្ឃរាជ សម្តេចព្រះសង្ឃនាយក ព្រះសង្ឃនាយករង នៃព្រះរាជាណា ចក្រកម្ពុជា និងឯកឧត្តម លោកជំទាវ ជាថ្នាក់ដឹកនាំជាច្រើននៅសាលសន្និសីទចតុមុខ រាជធានីភ្នំពេញ។